Chapter 68.2

Isang magulo at maingay na club ang tumambad sa amin pagpasok namin ni Shaelza. Halo-halo na rin ang amoy; mapa-alak at amoy ng mga pabango. Kumukutikutitap na tulad ng Christmas lights ang loob. Nakakahilo. Ito iyong club na pinasukan ko noon para sa misyong mapalapit kay Mr. Fonteverde. ’Pag nakita ako nina Eliza at Sir Roque ay panigurado ng makilala nila ako. Kaya todo ang pagbabalatkayo ko. Inayusan ako ni Shaelza para hindi ako kaagad makilala. Pinasuot niya ako ng wig na pantay at hanggang balikat lang ang haba. Malayo sa mahaba at maalon-alon kong buhok.

May itinuro sa akin si Shelza at doon ay nakita ko si Alas. Biglang umakyat ang dugo ko sa ulo nang makita rin ang batang higad na kapit na kapit sa asawa ko at balewala lang iyon kay Alas. Muli ay may tinuro si Shaelza. Isang bakanteng puwesto na malapit sa kanila. Tumungo kami ni Shaelza roon at umupo kaming pareho sa kung saan katapat lang