Chapter 72

Third Person’s Point of View

HINDI NA ALAM ni Alas kung saan siya dinala ng sasakyan matapos ang harapang pagtatanggol ng kaniyang mga anak sa ina ng mga ito. Ang totoo ay nabigla siya sa kilos na iyon na ipinakita ng kambal. Nakikita niya ang sarili sa mga ito noong bata pa siya. Tila ba tinarak ng punyal ang puso niya dahil sa eksenang nasaksihan.

Hindi niya makita ang pagsasakripisyo at pagmamahal na ipinapakita ni Ava dahil binulag siya ng galit at pagkapoot para sa babae. Hindi niya kasi akalain na sa simula pa lang ay nais na ng babaeng minahal niya na linlangin siya’t pabagsakin. Noon pa man ay alam na niyang ang pag-ibig ang pinakapangunahing instrumento upang mapabagsak ang isang tao. Lugmok na pagkabagsak at iiwanan kang walang kalaban-laban gaya ng nangyari sa kaniyang ama. Nilisan ng ama ang mundo na wala man lang iniisip na iba. Ni hind