Chapter 70

Bahagya akong nagitla sa aking kinauupuan nang may malakas na pagputok ng gulong ang pumuno sa aming mga tainga dahil sa itinapon ko sa labas na mga matutulis na thumbtacks. Napalingon ako sa likuran at halos umikot-ikot ang sasakyang lulan ni Alas. Malakas din ang naging agitit ng preno ng sasakyan. Pagkatapos niyon ay halos lukuban ako ng hilakbot nang malakas na bumangga sa kaniyang sasakyan ang nakasunod sa kanila na isa pang sasakyan at sinundan pa ng police car. Kumalat ang usok sa buong paligid dahil sa banggaang nangyari. 

“Shaelza, stop the car,” halos mapiyok kong utos kay Shaelza.

“What?” hindi makapaniwala na tanong niya.

“Please, stop the car,” pakiusap ko sa kaniya at nagmamakaawang binalingan siya.

“No,”