Chapter 5

"Oh." Agad na iniabot ni Finn ang dalang brownies sa kaibigan pagkabukas na pagkabukas nito ng pinto. Dito siya sa inuupahan nitong apartment dumiretso pagkagaling sa shop ni Angielyn.

Nakaupo lang naman siya doon mula nang pinatuloy siya no'ng babaeng nagngangalang Merna. Maka-ilang ulit niyang sinusulyapan ang pagtakbo ng kamay ng relo habang hinihintay ang babaeng sadya. Halos mabalian na nga yata siya ng litid sa leeg kakalingon sa taong nagbubukas at pumapasok sa shop pero wala talaga ni anino man lang ni Angielyn ang dumating. Kung hindi pa n'ya naisipan na makipagkwentuhan kay Merna ay hindi niya malalaman na nakatanggap ito ng text mula sa amo na bukas na pala ito uuwi.

Ramdam niya ang pagod kahit wala naman siyang ibang ginawa maghapon. Matapos makapagpaalam na aalis na siya dahil may appointment siyang dapat puntahan ay diretso na niyang tinungo ang ipinaradang kotse. Pauwi na sana siya sa bahay nang maalala niya ang bilin ng ina na dapat ay matanggap ng babaeng