Chapter 6

"Namumutla ka a'! Okay ka lang ba?"

Bakas ang pag-aalala sa boses ni Air nang makita siyang nanghihina galing sa banyo. Ewan ba n'ya! Wala naman siyang napansin na nakakain siya ng panis na pagkain pero parang hinahalukay ang kanyang tiyan. Ilang araw na rin siyang ganito. Hindi nga niya ginalaw ang niluto ni Air na ulam kanina kasi para siyang maduduwal na naman sa baho ng bawang na inilagay nito.

"Ano ba kasi ang sinasahog mo sa mga niluluto mo lately? 'Di ko bet ang lasa. Nangangalawang na yata 'yang cooking skills mo, Aristotle!" Pinagdiinan niya ang pagkakabigkas ng totoong pangalan nito kaya pabiro siya nitong kinurot sa tagiliran.

"Bruha ka talaga! Ikaw na nga itong ipinagluluto ng agahan tapos ikaw pa itong mareklamo."

"Ito naman, nagtampo agad. Sige ka! Maaga kang mangungulubot n'yan." Inikutan lang siya nito ng mata saka marahang hinihilot ang noo nito. Akto na sana niya itong yayakapin nang muli siyang napaatras. Sumiksik kasi sa ilong niya