Chapter 48

"DITO ka na lang matulog. Walang ibang available na kuwarto," nahihiya pang sabi ko matapos papasukin si France sa loob ng aking silid. Ito lang kasi talaga ang pinakamaayos sa lahat.

Inilibot pa niya ang kaniyang mga mata. Ang ipinagtataka ko, bakit wala man lang akong napansing pagkadisgusto sa mga nakikita niya. Parang normal lang sa kaniya ang lahat. Tumango at ngumiti pa.

"Okay," malumanay niya pang tugon habang nakatingin sa akin. "So ito pala ang kuwarto mo rito, not bad." Naupo pa siya sa gilid ng kama at hinila ako patabi sa kaniya. "Sometimes, I'm curious about having a simple life. Nakakasawa ring puro magaganda at mamahaling bagay ang nakikita sa paligid."

Nagulat pa ako sa tinuran niya. Magkahinang pa rin ang aming mga mata. Pilit kong binabasa ang isipan niya. At wala akong kaplastikang nakikita maliban sa malamlam niyang titig sa akin.

"B-Baligtad naman tayo," utal na tugon ko. Nagpapakatotoo lang. Marahil gano'n ang nararamdaman namin dahil sa magkaibang estado ng bu