Kabanata 24.1

Hindi na maalis sa isipan ni Monique ang pagkikita ng mag-ama. Hindi niya alam pero kinakabahan siya, hindi tanga si Aidan para hindi siya magtaka kung paanong nagkaroon ng anak si Monique.

Isang malalim na buntong hininga ang pinakawalan ni Monique. Ayaw niya na lang pumasok sa kompanya dahil posibleng magtanong si Aidan tungkol kay Brylle.

“Are you okay?” tanong ni Anthony sa kapatid dahil magkakasabay silang kumakain ngayon pero tulalang kumakain si Monique at napapabuntong hininga pa. Nabalik na lang sa wisyo si Monique at saka niya lang narealize na kumakain pa nga pala sila.

Hindi kasi siya nakatulog ng maayos kagabi sa kakaisip sa nangyari sa starbucks.

“I’m okay Kuya, marami lang akong tatapusin ngayong araw kaya iniisip ko kung paano ko ba yun matatapos.” Pagsisinungaling niya kahit na hindi naman mahirap ang trabaho niya sa kompanya.

“Pinapahirapan ka ba nila sa kompanya ng mga De Chavez? Masyado naman na yatang overload ang mga trabaho mo?” anas na naman ng Kuya niya s