Chapter 22

NAKARATING kami sa isang fast food restaurant kung saan ko sinabing magkita kami ni Ryker. Maraming tao roon katulad ng bilin ni Atty. Huerto. 

Nasa sasakyan pa lang ay nakita ko na si Ryker na nakaupo sa pang-apatang table malapit sa glass wall.

Kumpara sa huli naming pagkikita ay maayos na ang itsura niya. Bagong gupit ang buhok at bagong ahit. 

Nilingon ko si si Bennett na nasa tabi ko at nakitang nakatingala siya sa akin habang inosenteng nakatitig sa akin. Ngumiti ako at hinawakan ang kamay niya. Sa isang kamay ay hawak pa rin ang laruang bigay ni Ryker.

"Narito na si Papa. Handa ka na bang makita siya ulit?" nakangiti kong tanong. Tanging tango lang ang isinagot niya roon. 

<