Chapter 18

Hindi ko maintindihan kung bakit na naman ako pinapaiwas ni Mama kay Jaco. Ang matindi ay pati pa kay Obrei na di pa naman nakakauwi ngayon.

Masisira ang buhay ko?

Naguguluhan ako. Sinong mapagtatanungan ko sa bagay na ito? May nangyayari.... malakas ang kutob ko. May malaking problema na kinakaharap sila Jaco.

Napabuntong-hininga ako. Siguro dahil na naman ito sa di magkakagusto sa akin si Jaco at di ako ang babaeng para sa kaniya base na rin sa magkaiba ang angat ng buhay namin. At dahil di sangayon ang pamilya niya sa akin. At kay mama. Iyon naman madalas ang mga rason ni Mama.

Pero ngayon, maluwag na ang kalooban ko. Si tiya kasi, ito at kausap na ako.

"Anita, bata ka pa. Dismayado ako dahil nagpadala kayo sa tukso." Napailing siya.

"... ginagawa lang 'yun ng dalawang tao na kasal na. Sa kaso ninyo ni Jaco, magnobyo pa kayo. Ito pang si Jaco, nakakatanda pero..." napayuko ako.

"Ayaw ko lang na matulad ka sa nanay mo. Nabuntis ng maaga at di nakapagtapos. Saan siya dinala ng pa