Chapter 25

Nalasing si Mama sa isang gala event nila sa Manila. Akala niya ay si tito Marcio ang papalapit na sir Alarico kaya hinalikan niya ito. Nadatnan ni ma'am Llesea ang eksena kaya kinaladkad niya ang lasing na si Mama saka tinulak sa hagdan. Nahulog ang mama ko saka pinahiya sa harapan ng publiko at pinalabas na di tunay na anak ni tito Marcio si Daniel. Bagkus ay baka kay sir Alarico ito. O sa ibang lalaki.

"Isang beses... isang beses lang ako nagkamali. Bakit halos patayin nila ako?" Tumawa si Mama na parang wala sa sarili.

Tahimik akong nakikinig. Takot na baka may makaligtaan akong isang detalye.

"Iyang inggratang Llesea na 'yan. Mainit na ang dugo niyan sa akin. Gagawa ng paraan para patalsikin ako sa buhay nila. Pwes, di na ako babalik sa impyernong 'yun. Hinding... hindi nila makukuha muli si Daniel. Kahit isampal ko ang libo-libong DNA result nilang leche. Magkamatayan na. Tapos na ako. Tapos na tapos na ako. Inubos ako ng mga hayop." Ramdam na ramdam ko ang galit sa bawat salir