Chapter 9: Meet the new generation womanizer

Bumalik si Maiden na may dalang mainit na lugaw, tubig, at gamot na nilagay niya sa tray. Nang makapasok siya sa kwarto ni Zack ay nakapikit ito, hindi niya alam kung natutulog ba ito o hindi. Inilagay niya ang tray sa bed side table.

"Zack, wake up." Mahina niyang tinapik ang balikat ni Zack. "Kumain ka na muna para makainom ka ng gamot."

Iminulat ni Zack ang mga mata at napatingin sa kanya. "Wala akong ganang kumain."

Kapag talaga may sakit ay walang ganang kumain kaya nga lugaw ang niluto niya para kahit papaano ay magkalaman ang tiyan nito. Hindi naman ito pwedeng uminom ng gamot ng walang kain.

"Pero kailangan mong kumain. Papaano ka makakainom ng gamot kung hindi ka kakain? Lugaw lang naman itong niluto ko kaya madali mo lang itong makakain."

Napatitig ito sa kanya dahilan para magtaka siya. "Ikaw ang nagluto? You cooked for me?"

Tumango naman siya. "Oo, nagluto pa ako para sa 'yo kaya kailangan mong kumain. Huwag mong sayangin ng effort ko."

Kahit walang gana si Zack ay pipiliti