Chapter 12

Natigilan si Maiden sa tanong nito. Napalunok siya at napaiwas ng tingin sa binata. "N-Nakikita ko naman." Inipit niya ang buhok sa gitna ng tenga niya at napaiwas ng tingin dito. Hindi niya ito matingnan sa mga mata.

Napabuga ng hininga si Zack at hindi na nagsalita. Nagtataka na naman siya dahil parang bad mood na naman sa ito. Napapansin niya na parang nag-iiba ang ugali ng binata sa kanya.

"Sir, may sama ka ba ng loob sa akin?"

Napatingin ito sa kanya habang nasa bibig nito ang kutsara. "Wala naman. Bakit mo naman naitanong?" Kumain ulit ito.

"Pansin ko kasi ang bilis mag-iba ng mood mo pagdating sa akin."

Napangisi ito dahilan para mas magtaka siya. "Trip ko lang, paki mo ba?"

Napanganga na lang siya sa sagot nito. Napailing na lang siya. "Ewan ko sa 'yo, Sir Zack. Hirap mo din kausap. Anyway, hindi naman mahalaga kung sa tingin ko ay nagbabago ka na basta ang mahalaga ay nakikita 'yon ng babae na nagugustohan mo." Tumayo na siya dahil kailangan na din niyang bumalik sa mesa niya