Umaasa

Ipinark ni Leo ang sasakyan di kalayuan sa tinutuluyang mansiyon ni Don Ysmael kung saan siya nagtatago. Pero tago iyon para di kami makita ng mga nagbabantay sa mansiyon. Halos malaglag ang panga ko habang nakatingin sa mansiyon di kalayuan samin. Iba talaga nagagawa ng pera. Sino ba naman mag-aakala na ang may-ari nang mansiyon na ito ay isa palang Drug Lord. Perang galing sa illegal. Siguradong bantay sarado ang mansiyon.

Lumabas na si Leo. Lumabas na rin ako. Tinungo namin ang bukirin kung saan nakatayo ang mansiyon. Yumuko kami sa gilid ng mataas na gate para di kami makita. Sumilip si Leo sa uwang ng gate. Dahil sa matangkad siya kaya nakikita niya ang loob niyon.

"May mga nagbabantay sa labas. Apat na tao. Huwag kang hihiwalay sakin Rhianna. Kapag may nakita kang tao barilin mo na agad." pabulong niyang sabi sakin.

"Oo, sige." wika ko.

Diko maiwasang mapangiti. Talagang buo na ang tiwala niya sakin ngayon. Hindi na katulad nang dati na nagdududa siya sa kakayahan ko. Kaya m