“Dan!”Sumigaw si Madeline, at mabilis na tumakbo si Jeremy para suportahan si Daniel. Tumulong din ang mga doktor at nars sa tabi nang makita nila ito. Kaagad na dinala sina Ava at Daniel sa emergency room habang naghintay sina Jeremy at Madeline sa pintuan. Tinawagan rin ni Madeline sina Raegan at Neil para ipaalam ito sa kanila sa sandaling ito. Puno ng kaba sina Raegan at Neil na sumugod sa ospital pagkatapos malaman ang tungkol sa sitwasyon. Nang nalaman nila na si Esther na naman ang nasa likod nito, napuno ng galit ang mga mata nila. Gayunpaman, sa sandaling ito, mas nag-aalala sila. Sa sandaling ito, walang mas importante kaysa sa kaligtasan ni Ava. Gustong maghintay ni Neil ng balita tungkol kay Ava kasama ni Raegan, ngunit nakatanggap siya ng tawag mula sa emergency room sa kabilang kwarto. Bilang doktor, tungkulin niyang magligtas ng tao, kung kaya't pumunta roon si Neil nang hindi masyadong nag-iisip. Ngunit, nalaman niya na ang sugatang tao na kailangan ng p

Hindi naniwala ang mga magulang ni Daniel sa sinabi nina Madeline at Jeremy kaya nagpasya silang tawagan si Esther. Gayunpaman, walang sumagot sa phone ni Esther. Biglang nagtaka ang dalawa. Kaagad nilang tinawag ang kaibigan nila na may koneksyon sa ganitong bagay. Nang tinanong siya, talagang nasa presinto ngayon si Esther. Hindi rin siya tumutulong sa imbestigasyon. Talagang inaresto siya. Pagkatapos marinig ang balitang ito, nagbago ang mukha ng mga magulang ni Daniel. "Paanong nangyari to?" Hindi pa rin makapaniwala si Gina. Tinanong niya ang isa pang taong kilala niyang may koneksyon at ganoon pa rin ang resulta. Tumingin ang mga magulang ni Daniel kina Madeline at Jeremy. Hindi na sila nagsalita. Mas lalo lang silang mapapahiya kung magsasalita pa sila ng kahit na ano. Kung kaya't payapang umupo sa tabi ang dalawa at naghintay na matapos ang operasyon. Pagkatapos ng higit isang oras, natapos na rin ang operasyon. Si Neil ang naunang lumabas mula sa emergency room

Pagkatapos magpaalala ni Karen, may naalala na sa wakas si Madeline. Sa sobrang dami ng nangyayari nitong nakaraan muntik na niyang makalimutan ang taong ito. Ang mas kaduda-duda doon ay ang babaeng iyon ay umalis mismo nang mag-isa. “Sinabi ba niya kung bakit siya aalis?” nagtatakang tanong ni Madeline, habang maingat na binubuhos ang sabaw sa thermos. “Gusto ng babaeng ito na may mangyari sa kanilang dalawa ni Jeremy noong una pa lang, kaya paano niya magugustuhang manuluyan sa bahay natin bilang isang katulong? Kahit na mukha siyang kawawa, nagpapanggap lang siya para makuha ang simpatiya mo. Gusto lang niyang manatili dito para makahanap ng pagkakataong gambalain ulit si Jeremy,” sinuri ni Karen kung anong nasa isip ni Hannah noong mga oras na iyon.Sa katotohanan, alam ni Madeline sa loob niya na nagpapanggap lang si Hannah noong sinabi nitong gusto niyang manuluyan dito bilang isang katulong at noong sinabi nitong wala itong maalala. Isa lamang ang layunin at hangarin ni

Nang marinig niya ito, ngumiti nang marahan si Madeline. Alam niya na kahit nagmamatigas pa rin si Ava, sa loob niya, handa na si Ava na maniwalang ito ang totoo. “Ava, baka kaunti na lang ang oras, lalo na ang daming nangyayari nitong nakaraan. Mahirap nang hulaan kung anong mangyayari sa hinaharap. Kaya dapat pahalagahan natin ang lahat ng nasa harap natin, lalo na ang mga taong tunay na nagmamahal sa atin.” Nauunawaan ni Ava ang gustong ipahiwatig ni Madeline, ngunit sa sandaling ito, gusto lang niyang tumakas. “Maddie, kumusta na ang kalagayan ni Danny? Nabalitaan ko kay… Nabalitaan ko sa taong ‘yun kanina lang na dumugo daw si Dan dahil gusto niya akong iligtas. Malala ba ang kalagayan niya?” “Maya-maya dadalawin ko si Dan, kaya ‘wag kang mag-alala. Kung may masamang nangyari kay Dan, sinabi na sana kaagad sa’yo ng taong binanggit mo ngayon lang.” “...”Alam ni Ava na sinasadya ni Madeline na asarin siya at tinawag niyang ganito si Raegan. Subalit, kung sigurado si Ra

Kalmado si Madeline. Hindi siya nagpapakita ng kahit anong bakas ng takot o pag-iwas. “Nabalitaan kong umalis ka na. Bakit bigla kang bumalik? Sinusundan mo pa ako ngayon. May gusto ka bang sabihin sa akin?” direktang nagtanong si Madeline nang nakangiti. Tumingin si Hannah sa kalmadong ngiti sa mukha ni Madeline, at nanlumo ang kanyang mga mata. Subalit, kasunod nito, ngumiti rin siya. “Oo, tulad ng sinabi mo, talagang matigas ang ulo ko. Kahit na gusto kong bumalik ng St. Piaf, kailangan ko munang magpaalam sa mabait kong ‘ate’ bago umalis.” Malinaw na may gustong iparating si Hannah. Nang banggitin niya ang salitang ‘ate’, sobrang mapang-uyam ang tono nito. Kahit puno ng inis at pagmamatigas ang mga mata at salita ni Hannah, at siguro gusto niya pa ring maghiganti kay Madeline, sobrang kalmado ang puso ni Madeline sa sandaling ito. Wala man lang pagkabahala dito. Ngumiti lang si Madeline at tumango. “Kung ganoon, gusto mo bang magpunta sa malapit na cafe para umupo at m