NAPATIGIL sa pag-nguya ng hawak na hita ng manok ang lalaking nakaharap sa mga CCTV monitor nang biglang bumukas ang pinto na nasa bandang kaliwa ng may kalakihang monitoring room ng Sapphire Hotel. Napatingin din ang ilan pang mga kasama nito sa babaeng nakasuot ng maskara na nakatayo sa bugad ng pinto."Hi," bati ni Adrielle sa mga ito habang ang mga matang nakalitaw mula sa suot niyang maskara ay nakatutok sa matabang lalaki na kasalukuyang nakatingin din sa kanya at nakakunot ang noo.Bahagyang napangiwi si Adrielle nang makita ang isang buong litsong manok na nakapatong sa gilid ng mesa ng lalaki. Nangangalahati na lamang iyon at kaagad din niyang napansin na bukod-tanging ito lamang ang kumakain doon."Miss, bawal ka rito," sita ng lalaki na masungit na nakatingin kay Adrielle bago kumagat sa hawak nitong hita ng manok."Ah, hinahanap ko kasi ang CR but since I'm already—" naputol ang sasabihin ni Adrielle nang muling magsalita ang matabang lalaki."Tatawag na lang kami ng secur

ALAS NUEBE nang umaga sa isang private resort sa Nasugbu, Batangas. Hindi na tumuloy ang grupo ni Adrielle sa Apolo Hotel kagabi para masigurong hindi sila masususndan doon ng mga taga-NBI at PDEA. Doon na sila tumuloy ayon na rin sa instruction ng head bodyguard ng Daddy nila na si Emman.Isang malalim na buntong-hininga ang pinakawalan ni Cougar bago siya tuluyang kumatok sa pinto ng cottage na tinutuluyan ni Adrielle. Hindi na sila nagkita ng babae kagabi pagdating ng mga ito dahil inutusan siya ni Russet na bumili ng beer at magpagasolina ng sasakyan dahil nakalimutan nito noong mapadaan sila sa isang gasolinahan. Pagbalik naman niya ay naroon na sa cottage nito ang babae at ang sabi sa kanya ni Kimhan ay ibigay daw niya kay Adrielle ang briefcase na inabot sa kanya ng babae habang nasa kalagitnaan sila ng kaguluhan.Habang nagpapa-gas kagabi ay sinamantala din niya ang pagkakataon na tawagan si General Gallego. Hindi niya kasi ini-expect na magpapadala kaagad ito ng mga agents sa

"BABAE?" nanunuksong tanong ni Cresent kay Cougar pagkatapos na magpaalam ng huli kay Adrielle na may dadalawin siyang kaibigan sa hospital. Nasa hospital ang isang agent ng Falcon Surveillance at napagkasunduan nilang dalawa ni Trevan na doon na lang magkita. Napatigil naman sa akmang pagsubo ng hawak na mansanas si Adrielle nang marinig ang sinabi ni Crescent. Wala namang problema sa kanya kung may dadalawin ito sa hospital pero bigla siyang na-curious sa magiging sagot ng lalaki. Ibinaba niya ang hawak na prutas at humalukipkip habang hinihintay na magsalita si Bob.Mahinang tumikhim si Cougar bago tumango. Wala sa loob na napasulyap siya sa gawi ni Adrielle na wala namang ibang reaksyon maliban sa sandaling pagkunot ng noo nito bago muling dinampot ang kapirasong mansanas at isinubo.Pumalatak si Crescent. "Sinasabi ko na nga ba," abot-langit ang ngisi na turan nito na sinundan pa ng palakpak. "Sige na, humayo ka at magpakarami." Nanunuksong dugtong pa ng isa sa mga bodyguard ni

Halos isang oras na rin siguro ang nakakalipas simula nang umalis si Cougar. Nang tingnan ni Trevan ang oras sa kulay itim na relong nakasabit sa itaas ng pinto na papasok sa maliit na kusina ay nakita niyang halos mag-alas nuebe na ng gabi.Isang bungalow house na nasa labas ng Manila ang pinagdalhan sa kanya ni Cougar. Hindi iyon tago pero hindi rin gaanong matao. Dito daw muna siya pansamantala habang may inaayos ito. Babalikan daw siya ng kaibigan niya pagkalipas ng tatlong araw. Bago ito umalis ay siniguro muna ni Cougar na may sapat siyang suplay na pagkain at iba pang mga kailangan para sa loob ng tatlong araw. Nag-take out na rin sila ng hapunan kanina sa nadaanan nilang fast food restaurant. Binilinan din siya nito na huwag lumabas kapag hindi kailangan at huwag basta-basta magbubukas ng pinto kapag may kumakatok. Tawagan din daw niya kaagad ito kapag may nangyari o emergency.Napahugot ng buntong-hininga si Trevan. Ngayon pa lang ay namimiss na niya ang mga babies niya. And w

"WHO'S WITH YOU?" "Bob," walang anumang sagot ni Adrielle kay Reaper. Tinawagan niya ito kagabi para sabihing ihanda nito ang ilang mga kailangan niya dahil luluwas siya ng Manila. Nang malaman nito iyon ay kaagad nitong sinabi na magkita sila.Nagsalubong naman ang mga kilay ni Reaper. "Why is he with you?" bakas ang pagka-disgusto sa tinig tanong niya kay Adrielle. Lumingon si Reaper sa isang bahagi ng Manila Bay kung saan naroon nakatayo si Bob. Umigting ang kanyang mga panga at kumuyom ang mga palad bago niya ibinalik ang pansin nang magsalita si Adrielle."Bodyguard ko siya, malamang ay kasama ko siya kahit saan ako magpunta," naka-irap na tugon ni Adrielle sa kaibigang kakaiba ang ikinikilos. "Parang ikaw, kung nasaan si Russ ay naroon ka rin naman, hindi ba?" aniya pang sinabayan ng paghalukipkip. Head bodyguard ni Russet si Reaper at sa kasalukuyan ay nasa Maynila ang kapatid niya dahil may ipinapagawa rin dito ang Daddy nila."But—""Let us not talk about Bob, Reap," putol