Kabanata 45: Trust and Promises

Hanggang sa lumipas ang isang linggo ay hindi pa din nagpapakita kay Joy ang nobyo. Ilang beses njyang sinubukang tawagan ang numero nito pero palaging un-attended iyon at wala man lang siyang ideya kung nasaan na ito o kung inaalala din ba siya nito?

Sa loob ng isang linggo na hindi man lang nagpaparamdam kay Joy ang nobyong si Ricks, pakiramdam niya ay mababaliw na siya.

Miss na miss na niya ito at napapabayaan na niya ang sarili niya sa sobrang pagka-miss dito. Walang araw at gabi na hindi siya umiyak sa pag-aalala para dito.

Habang nag-iisip ay biglang naalala ni Joy ang kapatid ni Ricks na si Rhiya. Kaagad na tinawagan niya ito para magtanong kung nasaan ang kuya nito.

"Hello ate Joy?" alanganing bungad na tanong sa kaniya ni Rhiya.

"Hello Rhiya gusto ko lang sanang itanong kung may balita ka ba sa kuya mo? Hindi kasi siya nagte-text o tumatawag man lang sa akin eh." nahihiyang tanong niya sa kapatid nito.

Narinig ni Joy ang pagbuntong-hininga ni Rhiya sa kabilang linya bago ito