Chapter 9.1

Lasing na lasing si Noah nang gabing iyon at katatapos lamang niyang makipag-meeting sa isa niyang investor. Mabuti na lamang at kasama niya ang driver niya kaya may nag-uwi sa kaniya sa bahay nila. Inalalayan siya nito hanggang sa silid niya at pagkatapos ay pinaupo na lamang muna sa sofa.

Palabas na sana ang driver ngunit naisip niya na baka mas mainam na punasan niya muna ito at akmang maglalakad na siya upang kumuha ng tuwalya at plano niya sanang punasan sana ito nang marinig niya ang pagsigaw nito habang nakapikit. “Alexa, Alexa… pwede bang bigyan mo ako ng isang basong tubig.” sabi nito.

Dalawang segundo siyang nag-atubili nang marinig niya ang pagtawag nito sa asawa nito at dali-daling inilabas ang kanyang cellphone para tawagan si Alexa. Ilang sandali pa nga ay tuluyan na niyang tinawagan si Alexa at kaagad rin naman nito iyong sinagot. "Ma’am Alexa, sobrang lasing na lasing si sir at tinatawag niya ang pangalan mo." agad niyang sabi rito.

Samantala ay nagsalubong naman ang