Chapter 9.3

Pagkababa ng cellphone ni Noah ay agad niyang nilingon si Lily at tinapunan ng malamig na titig. Ang kalasingan na nararamdaman niya ng mga oras na iyon ay tila ba minsanang nawala. Umigting ang kanyang mga panga sa galit at tinanong ito. "Sinadya mong gawin iyon hindi ba?" galit na tanong niya rito.

Agad naman na sumimangot si Lily dahil sa naging tanong niya at tumitig rin sa mga mata niya. "Hindi ko alam na darating si Alexa rito, isa pa ay hindi ko naman sinasadya iyon dahil nadulas ako kaya napayakap na lang ako sayo bigla—" palusot nito sa kaniya ngunit mabilis niyang pinutol ang sasabihin pa nito.

"Lasing lang ako pero hindi ako tanga Lily!" sigaw niya sa harapan nito. Galit na galit talaga siya. Hindi sila dapat nakita ni Alexa sa ganuong ayos.

Dahil naman sa pagsigaw ni Noah ay mabilis na nagtubig ang mga mata ni Lily at nag-umpisa nang umiyak. "Ako na ang bahalang magpaliwanag kay Alexa ng nangyari at tiyak naman na maiintindihan niya ako…" napapakagat-labi na sabi nito hab