Chapter 71.1

Nang makita ni Olivia ang eksena sa kanyang harapan ay dali-dali siyang lumapit sa mga ito at bago pa man dumapo ang kamay ng babae na kasama ng haliparot na si Trisha sa mukha ni Annie ay bigla na lamang gumalaw si Trisha at pinigilan ito.

Agad naman na nanlaki ang mga mata nito at pagkatapos ay napasigaw sa kaniya. “Bitawan mo ako!” galit na galit na sigaw nito sa kaniya at nanlilisik pa ang mga matang nakatingin kay Annie ngunit hindi siya binitawan nito.

“Cathy, huminahon ka. Huwag kang sumigaw.” saway naman kaagad ni Trisha rito at agad din namang kumalma ang babae. Cathy pala ang pangalan ng talipandas na ito na gustong manakit sa kaibigan niya.

Pagkasabi ni Trisha nito ay bigla na lamang niyang binitawan ang kamay nito at dahan-dahan din naman nitong ibinaba iyon pagkatapos ay hindi ito makapaniwalang napatingin kay Trisha. “Ate bakit mo ako pinigilan?” tanong nito.

“Dahil ayokong mapahamak ka.” seryoso namang sagot ni Trisha rito.

“Anong ibig mong sabihin na mapahamak ako ate?