Chapter 76.1

Nang umandar ang kotse ay tahimik na tahimik sa loob ng sasakyan, walang gustong magsalita sa kanilang dalawa ni Lucas at tanging tunog lamang ng musika ang maririnig sa loob. Habang nakaupo siya sa kotse ay nakatanaw siya sa labas ng bintana habang magkasalubong ang kanyang mga kilay nang bigla na lamang tumunog ang cellphone niya.

Kaagad niyang tiningnan ito at nakita nya na mga text iyon galing kay Olivia. ‘Annie, kamusta? Nakalabas ka ba? Okay ka lang ba?’ sunod-sunod na tanong nito sa text nito.

Agad naman siyang nagreply rito para huwag na itong mag-alala sa kaniya. ‘Via okay lang ako. Ikaw kamusta ka diyan?’

‘Nandito ang mga pulis para hindi na magkagulo pa, isa pa ay nagpadala ulit ang manager ko ng susundo sa akin rito. Kaya wala ka ng dapat pang ipag-alala.’ reply naman nito sa kaniya.

Nang mabasa niya iyon ay kaagad na gumaan ang pakiramdam ni Annie. Ngayong nalaman niya na naroon na ang mga pulis ay siguradong hindi mapapahamak si Olivia.

Pulis?

Bigla niyang naalala ang m