KABANATA 31

BAGO PA MAN BUMABA SA ground floor ang elevator ay pasimpleng inialis ni Antoine ang kamay ni Denise na nakaabrisete sa braso niya.

Lumayo siya nang bahagya sa dalaga para magkaroon ng espasyo sa pagitan nila.

Ngumiti ito na tila wala lang nangyari.

Hindi niya alam kung aware pa ito sa pasimpleng pag-iwas niya o sinasadya lang na hindi nito pansinin ang ginawa niya?

Mayamaya ay naramdaman na lang niya na nasa tabi na naman niya si Denise na halos isiksik nito ang katawan sa kaniya. Ang malusog nitong dibdib na halos tinabunan lang ng manipis na telang puti at blazer.

Kung may makakakita sa kanila na ibang tao para silang tanga na nagsisiksikan sa may gilid kahit na malawak ang espasyo ng buong elevator na kasya ang walong tao.

Baka isipin may ginagawa silang kababalaghan sa loob ng elevator.

Women! Napailing na lang siya ng ulo dahil alam niya ang hantaran na pagpapakita ng interest ni Denise sa kaniya.

Kung si Zarina ang dumidikit sa kaniya ng ganun ay iba ang dulot sa pakiramdam