Prologue

Prologue

NAGKAKAGULO sa isang bahagi ng Demon Realm habang naguumpukan ang iba't-ibang klaseng demons at pinapanuod ang dalawang kasamahan nila na naglalaban.

Sobrang ingay ng lugar na kinalalagyan ng mga demons habang ang prinsipe nila ay nakaupo sa isang batong inihanda ng mga demonyo para sa kaniya habang nanunuod siya ng laban, na nag-uumpisa ng maging boring sa kaniya.

"Oi, hindi pa ba matatapos 'yan? Nawawalan na ako ng ganang manuod sa inyo."pahayag na sita ni Beelzebub, prinsipe ng Demon realm at bunsong anak ng Hari ng Demon Realm na si Dagon.

Dahil sa pagka inip na nararamdaman niya ay sinabihan niya ang mga alagad ng kaniyang ama na bigyan siya ng kaaliwan, pero simula ng laban ng dalawang alaga ng kaniyang ama, at tanging ibang demons ang nageenjoy sa nangyayaring laban pero si Beelzebub ay naiinip at nawawalan ng gana sa pinapanuod niya.

" Hindi na ako natutuwa sa pinagga-gagawa niyo."pahayag ni Beelzebub na ikinatayo nito sa pagkakaupo sa may bato at mabilis ang kilos na nakalapit sa isang demonyo na nakikipaglaban at madiin itong sinakal pataas, na ikinagulat ng mga ibang demons at kalaban ng hawak ni Beelzebub.

"P-prinsipe Beelzebub, a-ano pong ginagawa nyo?" gulat at kabadong tanong ng demonyo kay Beelzebub na ikinasama niya ng tingin dito.

"Ano sa tingin mo ang ginagawa ko? Naiinip na ako sa boring niyong laban, hindi na ako natutuwa. Anong klaseng mga demonyo kayo kung hindi niyo magawang magpatayan. Kung hindi mo alam paano pumatay tuturuan kita." Pahayag ni Beelzebub na ikinabaling niya ng tingin sa sakal-sakal niyang demonyo at mas diniinan niya ang pagkakasakal dito bago siya nag palabas ng itim na apoy sa kamay niyang nakahawak sa leeg nito, na agad nitomg ikinatupok ng itim na apoy na ikinabitaw na ni Beelzebub dito.

"Ganiyan ang tamang pagpat--"

"Beelzebub, kanina ka pa hinahanap ng Hari."

Hindi natuloy ni Beelzebub ang sasabihin niya at nilingon ang kaniyang tagapagbantay na si Endemion na kalalapag lang sa lupa habang nakabukas ang itim nitong mga pakpak.

"Aish! Ano na naman ang kailangan sa akin ng matandang demonyo na 'yun?" Angal na ani ni Beelzebub na ikinabaling ni Endemion sa mga demonyo.

"Magsibalik na kayo sa mga trabaho niyo!" Pahayag na utos nito na agad nagliparan paalis ang mga alagad na demonyo ng ama ni Beelzebub.

"Bakit ako pinapatawag ni ama?" Tanong ni Beelzebub kay Endemion na ikinabuka na ng itim na pakpak ni Beelzebub at ikinalipad na nito patungo sa palasyo ng kaniyang na mabilis na ikinasunod ni Endemion sa kaniya na nasa tabi niya na.

"Aakyat ka sa mundo ng mga tao, may ipapagawa si Haring Dagon sayo na 'yung ama." Sagot ni Endemion na ikinalingon ni Beelzebub sa kaniya.

"Bakit ako ang inuutusan niyang umakyat sa mga lupain ng mga tao? Bakit hindi si Zeldris o Escanor?" Pahayag na angal ni Beelzebub.

"Nasa mundo din ng mga tao ang 'yong mga kapatid para mag-decieved ng mga taong kukuhanan nila ng mga kaluluwa para madala dito sa Demon Realm, ayaw ng iyong ama na nauungusan siya ni Hades ng underworld." Sagot ni Endemion na ikinaningos ni Beelzebub.

"Ayoko sa lugar na 'yun, ayoko sa mundo ng mga tao." pahayag na angal ni Beelzebub pero alam niyang pag may iniutos ang hari ay kailangan niyang gawain, kahit pa ang tumaas siya sa mundo ng mga tao para sa ipapagawa ng kaniyang ama.