Chapter 39

Lord, bigyan niyo naman po sana nang hustisya 'tong pag-ibig na sumisibol sa puso ko para kay Louie! Kakatapos lang ng heartbreak ko. Bakit parang nag-uumpisa na naman?

Hindi nakatakas ang luha sa mga mata ni Elyssa habang tahimik at taimtim na nagdarasal. Nasa tapat siya ng wishing well. Matatagpuan iyon sa loob ng compound ng simbahan ng Taal. Hinihiling niya sana ay hindi na ulit siya masaktan sa ngalan ng pag-ibig. Marahan niyang itinapon ang hawak na barya katulad ng ginagawa ng ibang naroroon.

Kakatapos lamang ng misa na ipinagpasalamat nilang tatlo dahil nakadalo sila sa huling misa na pang-umaga. Habang siya ay nagsi-senti, sina Marra at Minho naman ay abala sa pagkuha ng larawan na animo'y naghahanda para sa kanilang kasal. Mababakas sa mga mukha ng dalawa ang kasiyahan at pagmamahal pero hindi nakakaramdam ng inggit si Elyssa. Masaya siya para sa pinsan.

Iba't ibang anggulo at puwesto ang ginawa ng dalawa at dahil wala siya sa mood makipag-picture ay hindi niya inabala ang mg