Chapter 45

Bumalik lamang sa katinuan ang isip niya nang biglang tumunog ang cellphone na nakapatong sa ibaba ng mesa. Inabot niya iyon matapos makitang si Minho ang tumatawag.

"Hey, dude! Whazzup!?"

Ang nagagalak na boses ni Minho ang agad na sumalubong kay Louie nang sagutin niya ang tawag. Dahil sa lakas ng boses nito, na hindi niya alam kung bakit excited na excited, ay bigla niya nailayo ang cellphone sa tainga.

Pinalipas niya muna ang ilang segundo bago muling nilapat ang cellphone sa tainga at nagsalita. “What shoud be new? Why did you call?”

"Hindi ka papasok?" Katulad niya ay nag-aaral din si Minho ng panggabi. Kasalukuyan silang magkaklase nito. At part-time lang nito ang pagpatayo ng bar.

"Paalis na ako. Why?" Tumayo siya at kinuha ang coat na nakasabit sa coat rack at ang knapsack na nasa sofa saka lumabas na ng opisina. Dahil kausap pa niya si Minho ay tinanguan lang niya ang sekretarya na naghahanda na ring umuwi at sinenyasan na mauuna na siya saka dumiretso sa elevator at pinindot