CHAPTER 29

Emerald's POV

Napamulat ako ng mga mata ko nang maramdaman kong may humalik sa noo ko. Bumungad sa akin si Trevor na nakatingin sa akin. Ngumiti siya sa akin kaya bigla akong napabangon. Hindi ko namalayan na nakatulog pala ako.

"Kanina ka pa?" tanong ko sa kaniya.

"Kararating ko lang," maiksi niyang sagot sa akin.

"Sorry, nakatulog ako. Si Audrey?" tanong ko pa sa kaniya.

"Bumaba lang siya saglit."

Napatingin ulit ako kay Trevor. Nakasuot pa rin siya ng polo niya pero wala na siyang necktie. Gulo gulo ang buhok niya at lukot na rin ang suot niya. Ang mga ngiti niya ay hindi umaabot sa mga mata niya kaya hindi ko na napigilan ang sarili ko.

"May problema ba?" tanong ko sa kaniya.

"Teka, nagugutom ka na ba? Tara, kumain tayo," pag-iiba niya ng usapan.

Maglalakad na sana siya palabas ng kwarto ngunit mabilis kong hinawakan ang kaniyang kamay. Napatigil siya ngunit hindi siya humarap sa akin.

"Trev, tell me," lakas loob kong sambit sa kaniya.

Humarap siya sa akin at lumuhod para magkapant