CHAPTER FORTY

"Welcome back, Florence." Ang maamong mukha ni Maui ang bumungad sa akin sa lobby ng LDC pagpasok ko isang umaga ng Biyernes.

Hindi ko napigilang mapangiti. Kung bakit naman kasi napaka-guwapo ng lalaking ito. Nasabi ko kasi sa kanya kagabi nang tawagan niya ako na napaaga ang balik ko ng Maynila at kahit leave ko pa rin itong Friday ay papasok na ako.

"Let's have breakfast first, before we start the day," nakangiting paanyaya niya.

"Sir, b-baka ma-late ako." Napatingin ako sa malaking wall clock na nasa receptionist's area.

"Ako nang bahala," aniya sa nangungumbinsing tono. "Sige na."

Mukhang hindi naman niya mapapayagang tumanggi ako kaya sumang-ayon na lamang ako. Buti na lang, madalas ay 30 minutes before o mas maaga pa before my scheduled time ako pumapasok.

Sa isang resto na malapit sa building kami nagpunta.

"Bakit nga pala napaaga ang balik niyo?" tanong niya sa akin habang nag-i-slice ng kanyang pancake with maple syrup and strawberries.

"Hindi ko a