CHAPTER THIRTY-NINE

Halos hindi na rin kami nakapamasyal ni Sir Frank nang mga sumunod na tatlong araw namin sa Siargao. Marami kasi kaming meetings na pinuntahan mula sa Municipal Mayor, Head Tourism Officer, at maging sa mga opisyal ng Department of Environment and Natural Resources. Bago pa man kami magtungo dito ay naisa-ayos ko na in advance ang mga pagpupulong na iyon.

Pabalik na kami sa bahay ni Tatay Gabriel sakay ang kotse na nirentahan namin dito na mismo sa isla. Hindi na kasi aabot kung ipapa-cargo plane pa namin ang kotse ni Sir Frank o ang company vehicle patungo dito sa dami ng papeles na kailangang ihanda.

"What's our schedule tomorrow?" tanong niya habang nagmamaneho.

"Wala na po tayong meeting, Sir," tugon ko. "Para po makapahinga naman kayo bago po tayo umuwi sa susunod na araw. Maaga po tayong susunduin ng chopper."

"Punta tayo sa...what's it called? 'Yong hindi natin napuntahan noong nag-island hopping tayo dahil late na?" tanong niya.

Napa-isip ako. "Opo, 'yon