CHAPTER THIRTY-EIGHT

"Sorry, hindi uubra 'yong totoong candlelight kasi ang lakas ng hangin. Kaya electronic na lang 'yan," paliwanag ni Sir Frank.

Napatingin ako sa tinutukoy niyang mga puting tea light na kandilang nakapatong sa mga wooden planks sa buhanginan. Mga LED candles nga iyon na ipinuwesto paikot sa magkabilang gilid ng duyan upang magsilbing liwanag, bagamat sapat na rin ang liwanag ng buwan at ang dami ng bituin sa langit.

Pinauna niya akong maupo sa swing bago siya naupo sa tabi ko. Inilapag niya ang dalang gitara sa buhanginan at isinandal sa poste ng duyan.

"Dapat ay iniwan niyo na lang po 'yan doon sa bahay, Sir," wika ko.

"Baka mag-request ka pa, eh. Kaya dinala ko na," aniya. "But, please, not those Korean songs you're playing no'ng nag-stay ako sa bahay niyo. Their language is kinda' hard to pronounce."

Natawa ako. "Aleumdaun seoljeong gamsahabnida."

"Damn." Napa-iling siya. "Kasasabi ko lang. Sinasabi mo na ako ang mapang-asar pero mas malakas ka rin talagang ma