CHAPTER THIRTY-THREE

Hindi ako sigurado kung narinig ko nang malinaw ang sinabi ni Sir Frank, kaya lumingon ako sa kanya. Pero nang gawin niya iyon ay halos magkalapit na ang mukha namin sa isa't isa, kaya napa-atras ako.

Magtatanong sana ako pero nagsalita na iyong host sa stage. Nabaling doon ang atensyon ko. Tapos ay dumating pa si Fraiel, ang bunsong kapatid ni Sir Frank at doon naki-upo sa table namin. Nagkuwentuhan sila, hindi nakikinig doon sa sinasabi ng ngayong nasa entablado na CEO ng Ledesma Food Corporation.

"Hey, if this gets boring to you, just tell me," pabulong niyang sabi sa tenga ko. Napatuwid ako ng upo nang maramdaman ang init ng hininga niya. Pakiramdam ko ay tumayo ang mga balahibo ko sa batok.

"O-okay lang n-naman po ako," tugon ko sa mahina ring boses habang nakatuon pa rin ang mga mata ko sa nagsasalita sa harap. Natatakot akong humarap sa kanya dahil may dumalaw sa aking damdamin na hindi ko maipaliwanag. Para akong may pakiramdam na mahuhulog sa bitag kapag tumingin