Chapter 11

Chapter 11

Nang matapos ang meeting noong hapong ‘yon, pinauna ko nang umuwi ang sekretarya ko. Gaya ng inaasahan ay sobrang higpit ng bantay ko ngayong araw. Kita ko ang tatlong itim na sasakyan malapit sa pinagparadahan ko ng kotse ko. Mayroon na ring suot na earpiece si Lance. Sa tingin ko ay konektado ‘yon sa mga bodyguard na kasama ko ngayon.

“Nandito na raw ba si Iwatani?” tanong ni Lance.

Napatingin ako sa phone ko. “Parating na raw siya.” Medyo maaga kasi natapos ang meeting kaya siguro late siya. Pero hindi naman nagtagal ay nakita ko na rin ang bagong sasakyan niya. “He’s here.”

May kung anong sinabi ni Lance sa earpiece niya bago namin nilapitan ang kotse na pumarada hindi kalayuan sa sasakyan ko. Binaba lang ni Iwatani ang bintana at sumilip sa ‘min.

“Hop in,” aniya. Mabilis naman akong pinagbuksan ni Lance at pinaupo sa passenger’s seat. “Dito ka na rin sumakay, p’re.”

“Dapat lang,” pabirong sagot ni Lance bago dumeretso sa likod.

Natawa na lang ako. Halos makalimutan kon