Chapter 28

NAKAGAYAK na siya nang dumating kinabukasan si Duane dala ang owner-jeep nito. Mabilis siyang bumaba ng bahay nang bumusina ang binata.

Nginitian siya nito. "Sakay na."

Dalawang hakbang na lang ang dalaga nang muli siyang makaramdam ng pagkahilo. Mabilis siyang humawak sa unahan ngjeep.

Mabilis namang bumaba ngjeep si Duane upang alalayan siya.

"Huwag ka munang kumilos," wika nito.

Wala sa loob na napakapit si Helaena sa mga balikat ng binata. Hindi nila narinig ang paparating na sasakyan.

Pumarada ito sa may di-kalayuan.

"Ate Lae!"

Parehong napalingon ang dalawa. Ang pagtawag ay galing sa siyam na taong gulang na bunsong anak ng Tiya Rebecca niya.

"lge. Bakit ka—" Lalong nawalan ng kulay ang mukha niya nang makita ang nakaparadang Mercedes-Benz at bumaba si David.

Humigpit pang lalo ang pagkakakapit niya sa mga balikat ni Duane na tila umaamot doon ng takas.

Humakbang papalapit sa kanila si David kasunod ng pinsan niya. Nakatiim ang mukha at pinaglipat-lipat ang tingin sa kanila ni D