Chapter 27

"Nag-iisip ka na naman diyan sa ilalim ng punongduhat," si Duane na walang-ingay na nakalapit. "Ano ba talaga ang problema mo, Lae."

Nilingon ni Helaena ang pinagmulan ng malalim na tinig. Ang kababatang si Duane.

Lae. lyon ang tawag sa kanya ng kababata. Kahit ang mga magulang at mga kamag-anak niya. Pero mas matamis sa pandinig niya ang pangalang itinatawag sa kanya ni David.

Helaena.

She hid the pain at nginitian ang kababata at dating manliligaw. "Napasyal ka, Duane."

Hindi ito nagsawang sulatan siya sa Maynila noon kahit na sinabi na niyang may boyfriend na siya. Si Harley nga.

Magandang lalaki at matanda lang marahil sa kanya si Duane nang tatlong taon. May kabuhayan sa bayang ito ang mga magulang. May prutasan at pribadong beach. Galing sa mabuting pamilya. Sila marahil ang naging magkasintahan kung nanatili siya rito sa bayan nila.

"Dinalhan kita ng sariwang tulingan. May dumaong na bangka kaninang madaling-araw nang maghatid kami ni Tatang ng paninda sa palengke. Tutulungan k