Chapter 31

NAKAABOT pa sa pandinig niya ang mga yabag ng tatlo pababa ng hagdan. llang sandali ang hinintay niya bago siya tumayo. Subalit muli rin siyang napaupo dahil hindi pa halos nagbalik ang huwisyo niya. Tila siya may hangover. Napakasakit ng ulo niya at tuyongtuyo ang lalamunan.

Pero alam niyang hindi siya dapat mag-aksaya ng panahon. Babalik ang lalaki at natitiyak na niya kung ano ang sasapitin niya mula sa mga kamay nito bago siya patayin.

Agad niyang tinakpan ang bibig upang hindi mapahagulhol ng iyak. Pagkatapos ay hinawakan ang tiyan. Lalo na niyang gustong bumulalas ng iyak. Kung mamamatay siya ay mawawalan ng pagkakataong mabuhay ang anak niya.

Hindi na niya maisisilang ito. Ni hindi malalaman ni David na nasundan nila si Vince pagkatapos nang halos pitong taon nilang pagsasama. Kapagkuwa'y kinalma niya ang sarili at inilibot ang tingin sa buong silid. Maliit lamang iyon. Tipikal sa mga kubo sa probinsiya.

Ang silid na iyon ay yari sa hinabing kawayan. Mula sa kinaroroonan niya a