27. He knows

[Letlet]

"Ito, Letlet, tikman mo." Nilagyan ni Gian ng isang malaking alimango ang plato niya.

"Salamat, Gian." Nakangiting sambit niya.

"Mas masarap 'to, Letlet." Naglagay naman si Lucian ng malaking pusit sa plato niya.

"Salamat, Kuya Lucian." Aniya rin rito ng nakangiti.

Nang susubo na siya ng kanin ay naglagay na naman si Gian ng malaking sugpo sa plato niya, at hindi naman nagpatalo si Lucian, naglagay din ito ng mas malaking sugpo sa kanyang plato.

Bakit parang nagpapaligsahan ang mga 'to? O akala lang niya 'yon?

Binuhusan niya ng sabaw ng ginataang lamang dagat ang kanin niya, at saka sumubo ng kanin-tumingin siya sa hipon na hawak ni Lucian na nasa harapan niya.

"Binalatan ko na para sa'yo, Letlet." Ngumanga siya at isinubo ang hipon.

"S-Salamat, Kuya Lucian." Nasabi nalang niya.

Ano ba ang ginagawa nito? Paano kung makahalata si Gian?

"Ito rin, Letlet, binalatan ko na para sa'yo." Tumingin siya sa kamay ni Gian na may hawak ding hipon at gustong isubo sa kanya.

Nang tumingin