INGAT KA SA 'KIN, BATA

NAG-IISIP.

Matagal na pinagmamasdan ni Owen ang sarili sa salamin ng men’s room. Hindi niya mahagilap sa kanyang isip kung paano pa siya nakilala ni Roman sa bagong image niyang balbas sarado, may bigote at naiibang istilo ng buhok.

“Alam ko ang iyong iniisip.”

Hindi niya naiwasan ang pagsimangot ng kanyang mukha nang makita sa salamin ang lalaking nagsalita. Mayabang itong nakangisi habang pumapasok sa men’s room na ang tingin ay kanyang nakapako.

Si Roman Romano.

Hindi siya umimik. Ayaw niyang makipag-usap sa hambog na boyfriend ng mama niya.

“Iniisip mo kung bakit, bukod sa nagpalaki ka na ng katawan, may bigote at balbas sarado ka pa ay nakilala pa rin kita,” pahayag nito habang nagbubukas ng siper ng pantalon, “iyon ay dahil dumadaan sa kamay ko ang lahat ng resume ng bawat isang naga-apply bilang security personnel sa mga Rossel.”

Natapos ito sa panunubig. Sabay sa pagsisiper ng pantalon ay humakbang ito patungo sa harap ng salamin. Tinabihan si Owen.

“Nang makita ko ang