Chapter 15 - Annulment

Matapos dumalaw ang parents ni Warren ay nakahinga ako ng maluwag. Akala ko ay ora mismo ay sasabihin na nila ang totoo.

"Anak, pumunta ka sa bahay bukas. May mahalaga lang kaming sasabihin sa iyo ng Daddy mo," ani ni mommy. Napakunot naman ang noo nito, marahil nagtataka kung bakit.

"Bakit? May problema po ba? Sabihin niyo na lang po ngayon. Bakit kailangan pa ipagpabukas?"

Nagkatinginan naman sina daddy at mommy, naghihintay naman si Warren ng sagot kung bakit.

"Bukas na lang anak. Kagigising mo lang at halatang masakit pa ang ulo mo, mas mabuti pa'ng magpahinga ka na muna. Basta, hihintayin ka namin bukas ng daddy mo." Napatango na lamang si Warren.

"Fine!"

"Sige, mauna na kami. Maligo ka nga anak! Amoy alak ka pa!" Napangiwi naman ako sa sinabi ni mommy, bumaling naman ito sa akin at ngumiti nang matamis.

"Cielo…aalis na kami,kaw na ang bahala dito," paalam na nila.

"Opo," tipid kong sagot habang nakangiti.

Kinabukasan bago umalis si Warren ay kabado na talaga ako sa