Chapter 8

Erika Pov

Nakahinga ako ng maluwag nang wala na si Charles. Kanina habang narito sa loob ng opisina ko siya ay parang dinadaga ang aking dibdib. Natatakot ako na maramdamam ni Charles ang tinatawag na lukso ng dugo habang kausap si Rose. Pasalamat din ako na mas kahawig ko ang anak ko kaysa sa kanya kaya hindi niya napansin na may similarities silang dalawa kagaya ng mga mata at labi. Ngunit kung nagtagal pa sa pakikipag-usap si Charles kay Rose ay natitiyak ko na mapapansin din niya ang bagay na iyon.

Ayokong malaman ni Charles na anak niya si Rose. Wala siyang karapatan sa anak namin dahil magmula nang niloko niya ako ay tinanggalan na rin niya ang kanyang sarili na magkaroon ng karapatan sa magiging anak nila.

"Mom? Are you mad at me?" Napapitlag ako nang marinig ko ang boses ng anak ko.

Nakangiting ginulo ko ang kanyang buhok pagkatapos umiling ng tatlong beses. "Of course not, baby. But next time, don't talk to a stranger, okay? Especially to that man who just came out of my off