Chapter 41

IBINIDA ni Monica kay Federico ang garden niya ng mga gulay. Lumabas pa sila ng bahay at nagtungo sa backyard. Doon na dinala ni Federico ang pagkain nito at gusto ring makita ang hardin. May naitanim na rin siyang puno ng malunggay roon na hiningi niya kay Mang Nestor.

“Ano naman ang mga naitanim mo?” tanong ni Federico. Hawak nito ang plato ng salad na gulay at dalawang sandwich.

“Ano, mga native na gulay lang. Baka hindi ka pamilyar sa mga ‘yon. Iyong mga inilalagay sa penakbet. Alam mo ba ‘yon?” aniya.

“Of course. The mixed vegetables with fish sauce?”

“Oo. Mabuti alam mo. May naitanim din akong buto ng kalabasa pero naroon malapit sa bakod at pinagawaan ko kay Mang Nestor ng rehas na gagapangan. May ampalaya rin doon at sitaw, hindi pa tumubo. Dito naman sa ginawa kong plant box, mga talong, okra, kamatis, at saka pechay.”

Panay lang ang tango ni Federico. Pagkuwan ay umupo na ito sa sementadong bench sa tapat ng round table. Isinama nito si Kenji at pinaupo sa tabi nito. Si