Chapter 43

“SORRY, Federico. Sobrang nahirapan ako dahil hindi madaling magtraidor sa taong mahal mo,” humihikbing wika ni Monica habang kulong pa rin ng mahigpit na yakap ni Federico. “Okay lang kung hindi mo ako mapatawad. Okay lang din kung patayin mo na ako ngayon. Basta mangako ka na aalagaan mo si Kenji nang maayos.”

Humigpit na naman ang yakap sa kan’ya ni Federico. “Id*ot!” tanging nausal nito. “How can I kill you? I love you, Monica!”

Napatda siya at naudlot maging kan’yang pagluha. Hindi siya nakakibo hanggang sa bahagyang dumestansiya sa kan’ya si Federico. Pinakatitigan siya nito sa mga mata.

“I doubted you many times; I thought about the spy thing. Naisip ko na kung totoo ang hinala ko, maaring magalit ako, pero alam ko sa puso ko na mahirap na ‘yong gawin. Ang ikinakatakot ko lang ay baka bigla kang lalayo at hindi ko na kayo makakasama ni Kenji,” emosyyonal nitong pahayag. Mamasa-masa na rin ang mga mata nito.

“F-Fed….” nautal niyang sambit at naunahan na ng emosyon. “H-Hindi