Chapter 50

LABAG man sa loob ni Monica na umalis sa bahay ni Fernand, wala siyang choice kaysa maipit sa away ng magkapatid. Hindi matanggap ng sistema niya na si Fernand ang tatay ng anak niya. Wala siyang maramdamang pananabik dito, sa halip ay nilamon siya ng takot.

Nang makuha ang mga gamit sa bahay ni Federico ay nagpahatid na siya sa driver sa bahay nila. Nagising na si Kenji at walang malay sa nangyayari. Nawindang naman ang kan’yang tiya nang makita silang mag-ina.

“Bakit, Monica?” balisang tanong ng ginang.

Tumulong naman ang driver at dalawang bodyguards sa paghakot ng kan’yang gamit.

“Dito na muna kami, Tita,” aniya sa garalgal na tinig. Katatapos lang kasi niyang umiyak.

“Ay, bakit? Nag-away ba kayo ni Federico?”

“May nangyari po, magulo.” Dumiretso na siya sa kusina at nagtimpla ng gatas ni Kenji.

Sinundan siya ng ginang. “Ano ba ang nangyari?”

“Bumalik po ang kakambal ni Federico. Sinabi niya na siya ang totoong tatay ni Kenji at gusto niyang kunin ang bata.”

“Diyos ko! Te