Chapter 46

UMALIS na si Terra pagkatapos tumulong sa hugasin. Kausap naman ni Federico si Stefano, at pansin ni Monica na lumilihis ng usapan ng dalawang binata. Nabanggit ni Stefano ang pangalan ni Terra.

Pagkatapos ng trabaho sa kusina ay kinuha na niya si Kenji kay Federico. Papikit-pikit na ito kaya dinala niya sa kuwarto at pinatulog. Sinamahan na niya ito sa kama.

Ang bilis nakatulog ni Monica pero kagaad din siyang nagising nang maramdaman ang paglundo ng kama. Namataan niya si Federico na nakaupo sa tabi ni Kenji. Hinihipo nito ang ulo ng bata.

“Naisturbo ba kita?” tanong nito nang mapansin siyang nagmulat na ng mga mata.

“Ah, h-hindi naman. Umidlip lang talaga ako.”

“Nakumpleto mo na ba ang requirements para sa kasal, Monica?” pagkuwan ay tanong nito.

“Ah, hindi pa. Iyong CENOMAR pa. Baka next week ko na makuha.”

“No worries. We don’t need to rush it. Once naayos na lahat ng kailangan mo, magpapakasal tayo sa huwis. Then, we will proceed to Italy. Magpapakasal tayo ulit doon.”

N