Chapter 44

NAGTATAKA si Monica bakit hindi pa lumalabas ng kuwarto nito si Federico. Alas-nuwebe na ng umaga at naka-ilang katok na siya sa pinto ng kuwarto nito. Kinabahan na siya at hindi nakatiis. Muli niyang pinuntahan sa kuwarto ang binata at kinalampag ang pinto.

“Federico! Gising ka na ba?” sigaw niya.

Napansin niya na hindi na naka-lock ang pinto. Binuksan niya ito at tuluyang pumasok. Tahimik sa kuwarto. Dumaan pa siya sa mini lobby bago ang mismong bedroom. Namataan niya si Federico na hubad-baro at nakadapa sa kama. Itim na boxer lang ang suot ninto.

“Federico?” sambit niya. Naunahan na siya ng kaba.

“M-Monica,” paos namang usal ng binata.

Tuluyan siyang lumapit dito at lumuklok sa gilid ng kama. “Okay ka lang ba? Masama ba ang pakiramdam mo? Dalhan na lang kita ng food,” nag-aalalang tanong niya.

“I’m fine. I just need to relax my head. Hindi kasi ako nakatulog nang maayos.”

“Kain ka muna bago matulog ulit. Kukuha ako ng food mo.” Muli siyang tumayo.

Pumihit naman pahiga ang