Kabanata 51

Mabilis na niyakap ni Caspian si Davina para harangan ang pinalad niyang hinaharap. Nakayuko naman na si Davina dahil sa hiyang nararamdaman. Hindi siya sanay na ipakita sa ibang tao ang katawan niya, nagawa niya lang magsuot ng swim suit ngayon dahil si Caspian lang naman ang makakasama at makakakita sa kaniya.

“Give me the robe, Sophia!” utos ni Caspian kay Sophia, napaismid na lang si Sophia pero wala siyang nagawa kundi kunin ang robe. Ibinigay naman na yun ni Sophia saka ibinalot ni Caspian kay Davina para takpan ang katawan niya.

Umahon na silang dalawa at nakayuko pa rin si Davina. Nagsuot na rin si Caspian ng robe dahil nakaboxer lang naman siya. Napapairap na lang si Sophia dahil ang akala ba niya ay kasunduan lang ang nangyayari sa pagitan ni Caspian at Davina pero bakit may halikang nangyayari? Magkasama sa pool at parehong nakaswim suit lang.

“Ano bang kailangan niyo at pumunta kayo rito ng wala man lang pasabi? You are entering my house without my permission.” Bakas pa ri