Kabanata 56

Dahan-dahan na iminulat ni Davina ang mga mata niya nang unti-unti na siyang nagkakamalay. Nang maramdaman niyang nakatali ang mga paa at mga kamay niya ay nagpupumiglas siya at impit ang pagsigaw niya dahil sa tape na nakatakip sa bibig niya.

“Hmmm-hmmm,” sinusubukan niyang magsalita pero hindi naman siya maintindihan dahil sa takip sa bibig niya. Sinubukan niyang igalaw ang mga paa niya pero mahigpit din ang pagkakatali dun na halos mag-iwan na ng sugat sa kaniya.

Inilibot niya ang paningin niya pero isang ilaw lang ang nagbibigay liwanag sa paligid niya. Hindi na siya bago sa mga ganitong lugar dahil ilang beses na siyang napapapunta sa mga abandunadong warehouse dahil sa misyon niya pero this time, isa siyang bihag.

“Pakawalan niyo ako rito!” sigaw niya pero walang makaintindi sa kaniya. Paano siyang napasok sa loob ng bahay ni Caspian kung may mga bantay naman siya sa labas? Sinunod niya ang gusto ni Caspian para mapanatag ito pero wala pa rin pa lang makakapigil sa mga taong, si