Kabanata 59

Naiwan ang mga grupo ni Evander sa abandunadong warehouse habang nauna naman nang umalis sina Davina at Caspian kasama si Max para idala na sa doctor si Caspian dahil sa tama ng bala sa likod niya.

Hawak hawak ni Davina ang kamay ni Caspian at sunod sunod ang pagtulo ng mga luha niya dahil sa takot niyang baka may mangyari kay Caspian.

“Huwag kang pipikit, huwag kang matutulog. Pakiusap Caspian, listen to me Baby.” nakikiusap niyang wika rito saka niya hinalikan ang kamay ni Caspian. Tipid lang namang ngumiti si Caspian.

“Huwag kang umiyak na para bang mamamatay na ako. Hindi pa ako matatapos dito, iyan ang tatandaan mo.” mayabang niyang saad kahit na nahihirapan na siyang magsalita. Ngayon lang naman kasi siya tinamaan ng bala sa likod niya madalas kasi ay sa braso o sa mga hindi lang delikadong parte ng katawan niya.

Bahagyang ngumiti si Caspian, ito na nga ba ang sinasabi niya, ang dumating ang mga araw na ganito. Hindi siya makakakilos ng maayos dahil may tao siyang prinoprotek