Kabanata 52

Naisipan ni Davina na umuwi na muna sa kanila dahil naalala niya ang tungkol sa notebook na hinahanap ng kung sino mang sindikato. Sigurado siyang patuloy pa rin siyang tinutugis dahil sa pag-aakalang nasa kaniya nga o kung may kinalaman ba siya sa notebook nilang nawawala. Kung hindi niya alam na nasa kaniya nga yun, kailangan niyang kumilos para hanapin bago pa siya maunahan ng mga taong pilit siyang pinapatay.

“Davina, anak, you’re home.” Natutuwang salubong sa kaniya ng ina niyang nakaupo sa sofa habang sumisimsim ng paborito niyang tsaa.

“Hi Mom, how are you?” nakipagbeso na muna si Davina saka niya ito nginitian at niyakap. “I miss you Mom,” malambing niyang wika sa ina.

“I miss you too Baby, mabuti at nakadalaw ka rito. Kumusta ka naman? Hindi ka ba pinapahirapan ng Daddy mo sa trabaho mo?” naupo na muna si Davina saka nanguha ng cookies na kinakain ng ina.

“Hindi kami magkasama ni Daddy, may sarili akong misyon na dapat kong tapusin but don’t worry Mom, walang mangyayari sa’ki