Kabanata 54

Pagdating nila ng bahay ay nauna nang pumasok si Caspian, sumunod naman si Davina na kinakabahan na ngayon dahil sa aura ng mukha ni Caspian. Para bang ano mang oras ay kakainin na siya nito ng buhay.

Pagpasok nila ng bahay ay inis na hinarap ni Caspian si Davina. Inis pa siyang napasabunot sa buhok niya dahil sa pinaghalo-halong emosyon na nararamdaman niya. Tiningnan niya si Davina mula ulo hanggang paa. Sa suot niya ngayon, isa nga siyang tunay na agent.

Nakasuot ng black suit, nakatali ng mataas ang mga buhok at may mga baril at balisong sa tagiliran niya. Napakaganda niyang tingnan, bagay na bagay sa kaniya pero hindi oobra kay Caspian ang lakas ng karisma ni Davina ngayon. Hapit na hapit kay Davina ang suot niya at kitang kita na ang magandang hubog ng kaniyang katawan pero mas nangingibabaw ang galit kay Caspian.

“What do you think you are doing Davina?” madiin niyang tanong dito. Pilit niyang kinakalma ang galit niya pero tila ba isang bomba na gusto ng sumabog ano mang oras.