Kabanata 53

Tiningnan ni Davina ang paligid niya kung tama ba siya nang pinuntahan pero lingid sa kaniyang kaalaman ang ilang mga kalalakihang nakamasid sa kaniya. Napapangisi na lamang ang mga ito dahil kung sinuswerte ka nga naman, ang taong kailangan pa nila ang nagkusang nagpunta sa kanila.

“Siguraduhin niyo lang na mahuhuli niyo siya ngayong gabi dahil kung hindi, baril ko ang haharapin niyo.” Maawtoridad na utos ni Gabrielle, ang leader ng Triangle na isa rin sa mafia organization.

“Yes Sir,” mabilis naman nilang sagot kaya mas lalong napangisi si Gabrielle dahil sa wakas, makukuha na nila ang kailangan nila.

Dahan-dahan naman ang paglakad ni Davina, ilang mga ilaw lang ang nagbibigay ng liwanag sa daraanan niya. Isang tahimik na lugar ang pinuntahan niya, isang abandunadong warehouse.

“Sigurado akong dito mangyayari ang transaction nila.” Mahina niyang saad sa sarili habang pinagmamasdan niya ang paligid. Wala siyang ibang makitang tao, isang mainit na hangin lang ang yumayakap sa kaniya.