Chapter 7: i'm here by your side

HUMINGA ng malalim si Gianna at inayos ang sarili bago tuluyang pumasok sa isang mamahaling restaurant kung saan magkikita sila ni Gabriel at ng abogadong hi-nire-d nito para humawak ng kaso ng kaniyang ama. Umaasa siyang mtutulungan nito na makalaya si Jose.

Pagpasok pa lang niya, natanaw na niya si Gabriel sa bahaging gilid ng malawak na restaurant. Napakagara ng disenyo ng silid at masasabi niyang expensive nga ang lugar at maging ang mga pagkain doon.

Ngumiti siya kay Gabriel. Iginiya pa siya nito sa bakanteng upuan.

"Order your food first, Gianna," aniya.

Ngumiti siya at kinuha ang menu. Nanlaki ang mga mata niya sa presyo ng mga pagkain doon. Sa state ng pamumuhay niya ngayon, hindi na niya afford ang ganoong ka-expensive na pagkain.

"Don't mind the price, just order the food you want," untag ni Gabriel. Alangan siyang ngumiti sa binata at binalik ang tingin sa menu.

Dahil nahihiya na rin siya, 'yong pinakamurang pagkain na lang ang in-order niya pero itong si Gabriel, dinagdagan pa iyon. 

"Ang dami mo nang naitulong sa akin, Gabriel," nahihiya niyang sambit.

"Naniningil na ba ako?" seryosong tanong niya.

"Hindi ko nga alam kung paano ko mababayaran lahat ng naitulong mo sa akin. You helped mo so much at nahihiya na nga ako sa iyo. Hindi naman tayo masyadong magkakilala and yet you still choose to help me. Bakit, Gabriel?"

Ngumiti ito. "You want my answer? Gianna, the truth is I don't know too. Hindi ko alam pero gusto kitang tulungan and I believe that your dad is innocent." Bahagya itong kumiling. "I know the feeling, na pagbintangan at idiin sa kasalanang hindi mo naman ginawa." May bahid ng lungkot sa mga mata nito.

Kumunot ang noo niya sa narinig. "Have you experienced the same?"

"I don't want to talk about it." Seryoso itong tumingin sa kaniya.

Alangan siyang umiwas ng tingin. Kahit gusto pa niyang magtanong, hindi na lang niya ginawa. "Thank you, Gabriel. Pangako, kapag nakalaya na kami sa sitwasyong ito, kapag ok na ang lahat, babawi ako."

"Ok, I'll wait that to happen." 

"Siya nga pala na-send mo na ba kay Atty. Robert ang files na binigay ko?" pagbabago niya sa usapan.

Tumango si Gabriel pagkatapos nitong uminom ng tubig. "I already sent the file to him. Pag-aaralan na lang niya lahat ng pwedeng magamit na ebedensiya to counter the accusations of others investors."

"Salamat talaga, Gabriel. You're angel sent by God."

Natawa ito. "Stop saying thank you, Gianna. Once is enough and I appreciate you."

Nahihiya siyang ngumiti. 

"Habang wala pa ang pagkain, magre-rest room lang muna ako. Just wait me here. Nag-text na rin si Atty. Robert, malapit na raw siya, na-traffic lang."

"Sige." Tumango siya.

Ilang saglit pa ay may lalaking lumapit sa table nila. Sa tingin ni Gianna, nasa mid-thirties na ang lalaki.

"Excuse me, are you Miss Gianna Fajardo?" tanong ng lalaki.

Tumango siya. "Kayo po ba si Atty. Robert?" Tumango ang lalaki at ngumiti. "Maupo po kayo. Nasa rest room pa ho si Gabriel." Umusbong ang pag-asa sa puso niya.

Mayamaya'y bumalik na si Gabriel at saktong dumating na rin ang pagkaing in-order nila. Nagulat pa siya dahil parang ang dami niyon para sa kanilang tatlo.

"Kumain muna tayo bago natin pag-usapan ang case," anunsiyo ni Gabriel.

Nagsimula silang kumain. Sa mahal ng presyo ng mga pagkain doon, akma naman pala iyon sa lasa ng mga pagkain. Napakasarap ng mga iyon.

"Atty. Robert, how's the case? Ano sa tingin mo ang pwedeng ilaban natin sa kaso?" simula ni Gabriel matapos nilang kumain.

Malungkot na tiningnan siya ni Atty. Binalot siya ng kaba. "I'll be honest with you, Gianna hindi madaling ipanalo ang kasong e****a laban sa daddy mo. I reviewed the files and all the documents are legal. Lahat ng contract na nandoon ay may pirma ng daddy mo at kapag dinala natin iyon sa korte, isang malinaw na ang daddy mo ang promotor ng investment scheme na iyon. Wala tayong solid evidence to prove your dad innocence, na biktima rin siya ng investment scheme na iyon. Kapag nag-file tayo ng counter affidavit, siguradong doon pa lang, wala na tayong laban because we don't have any evidence to counter the accusations," mahabang paliwanag ni Atty.

Ang pag-asang pinanghahawakan niya kanina, utay-utay naglaho. Nanlumo siya sa mga narinig. Paano siya kukuha ng evidence para ipaglaban ang daddy niya? Na kahit ano'ng sabihin niya sa korte, hindi siya paniniwalaan dahil wala siyang hawak na katibayang inosente ang kaniyang ama.

Kasalanan lahat ito ni Oliver. He framed up her dad to get what he wants. Nakuyom na lang ni Gianna ang kamao dahil sa mas tumitinding galit niya kay Oliver.

"A-ano'ng pwede nating gawin? B-baka may magagawa pa tayo para malaman ng lahat na inosente si Dad. Na na-frame up lang siya sa investment scam na iyon, na hindi siya ang nang scam sa mga tao." Nagsisimula na siyang maluha dahil pakiramdam niya ang konting pag-asa, maglalaho pa.

"Gianna, hanggat wala tayong solid evidence to prove that, wala tayong laban at kahit ilaban natin sa korte, matatalo at matatalo tayo. The court always look for the evidence at hindi lang sa accusations and own opinions," sabi ni Atty. Robert.

"So, ano? Isusuko ko na lang? Hahayaan ko na lang na mabulok sa kulungan si Daddy? O kaya naman magtrabaho ako buong buhay ko para bayaran ang mahigit ten million na nawawala sa lahat ng nag-invest? F*ck! Paano ko magagawa lahat ng iyon?" Hindi na niya napigilan ang maluha. Wala na siyang alam na pwedeng gawin.

"Gianna, please calm yourself. Hindi porket wala tayong evidence, wala na tayong gagawin. May paraan pa, may magagawa ka pa to save your dad. Please, calm down. Makakahanap ka rin ng evidence na pwede nating magamit laban sa kanila."

Naramdaman na lang niya ang palad ni Gabriel na humahaplos sa likod niya. Pinapakalma siya nito dahil nagsisimula na siyang mag-panic. Natatakot siya sa katotohanang wala siyang magagawa.

"P-paano ako kakalma, Gabriel? Paano na si dad? Ang negosyo niya? Ang p-pamilya ko? Hindi pwedeng walang paraan at mas lalong hindi pwedeng walang gawin. Hindi ko kayang panoorin ang pamilya kong nahihirapan." Nagsimula na siyang humagulhol. Wala na siyang pakialam kung nasaan man siya. Natatakot siya. Nababahala. Naubos na ang pag-asa sa puso niya at wala na siyang maisip na ibang paraan.

"I'm here, Gianna. I'm here by your side. Tutulungan kita kung saan ang kaya ko."