Kabanata 12

Tina's p.o.v.

Nakatayo lang ako dito sa may parking area ng school habang may earphone na napasak sa aking magkabilang tenga para hintayin ang aking sundo at hawak ko ang aking cellphone sa kamay kasabay ng pagkulikot ko nito para pumili ng kantang papakinggan.

"Tina! Hoy girl!" Ang rinig ko mula sa paligid na tinatawag ang aking pangalan. Napalingon ako sa pinanggagalingan ng boses sa may kanan ko sa gilid at nakita ko si Aubrey na kumakaway sa akin habang naglalakad siya papunta sa aking kinatatayuan. Tinanggal ko naman ang bagay na nakalagay sa aking tenga.

"Anong ginagawa mo dito? Hindi ba dapat nasa praktis ka ninyo sa cheerleading kasi balita ko kinuha ka raw ni Keith as his representative?" Ang bungad ko naman na tanong sakanya ng makarating na siya sa kinatatayuan ko at tumabi sa aking gilid.

"Oo nga e. Para nga akong mababalian ng buto sa hirap ng mga steps tapos may nalalaman pa sila na pahagis-hagis saka tumbling. Mabuti na nga lang at natapos agad ang ensayo namin kasi kung